عواصف جنوني

ليت كل العيون اللي تشوفـك  عيونـي
ولا ياليت وجهـك كـل وجـهٍ تشوفـه
كان ماضاق فيني كل ماغبـت  كونـي
وصرت شروات يلي قد رمت به حتوفه
وحينها كن عقلي في عواصف جنونـي
ريشه وطفل كني تنفلـت مـن  كفوفـه
يضطرب لا تجلى لغيري غيره  سكوني
بدر لو كنت ظلمـا ماكفانـي  خسوفـه
غيرتي نار ماهي من وقايـد  ظنونـي
فيك يانجم عفـه جـاوز الشـك نوفـه
غيرتي حبك اوقد نارها اللـي رمونـي
في لهبها عيونك عاشق احرقت  جوفـه
سنين كني صحاري شوق وجهك مزوني
ماروت قلبي الظامي لشوفـك  طيوفـه
ليت جيت وجميع الخلق دونك  جفونـي
بذمتي ماعلى فرقـا الخلايـق حسوفـه

عن binwanies