شي غامض

ليت الهوى لا جابنـي عنـك الحيـا ماردنـي
والاّ الحيـا لا ردنـي ماجابنـي لـك الهـوى
في شي غامض داخلي علـى هـواك يحدنـي
وماللسقيـم اللـي دواه الكـي حيلـه بالـدوى
كني بصحراء لهفتـي غصـنٍ حنيـن يمدنـي
هوى الهوى صوبك وانا في موقعي جذعي ذوى
شفتك كما غيمه لها عطشان حسـره  صدنـي
عنك الحياء في خافقٍ من غيث وصلك  ماروى
وثويت كني بالهـوى حيـن الحيـاء ماهدنـي
حر الحبارى رمشهـا قطـع ثناديـه  وثـوى
ياعاشقه الشْعر..الشّعر لوفيـك شعـر يعدنـي
عشق اعتنيت لمسمعك ارقى لقصايد  مستـوى
مابيع لو عقلي على قلبـي قـوى مـن ودنـي
واود انا من باعني بقلـبٍ علـى قلبـي قـوى
هواك سراني ونـارك فـي الظـلام  تشدنـي
فراشه ادري بحترق بالضوء واسعى  للضـوى

عن binwanies