العز

سهيل والليل والسيل وبروق العز

والغيم ساري وبات الغيث همالي

والعز له ناس في وقت اللزوم تفز

ترقى العوالي وتبذل غالي الغالي

واترى العزايم غنايم بالنفوس تلز

عن كل موضع دنا ترفعك للعالي

راعي المعزه عزيز وبه نحن نعتز

له من نفوس البشر تقدير واجلالي

والرجل لي شاف هضمات الليالي حز

في خاطره شي مايخطر على البالي

كم واحدٍ جالسٍ في موقعه مرتز

رافع خشم بس لا أول ولا تالي

وكم واحدٍ عن مشاريف العلا ماكز

وان جيت صوبه تلاقي طيب واقبالي

نظرات عينه بعيده للبعيد تخز

شروات حرٍ يخيل الصيد ما فالي

إسمه ورسمه يرزه فالشوامخ رز

ويخلد افعال تبقى عند لجيالي

روس السعف كل ماياها الهوى تهتز

والا الهوى مايحرك روس لجبالي

عن binwanies