إعتذار

عندي اعتذار يهز صدري ومعانيه

مبطي وهو شاغل خفوقي وبالي

لي ربع ما فيهم ردي بهقاويه

عنهم خذتني كايدات الليالي

قطعت وصلٍ ، لا حشى كنت مرهيه

لكن قطع فيهم وفي انشغالي

والرجل مع كثرة رجال ٍ تخاويه

غصبن عليه يغيب عن من يوالي

كل يوم لي جمع جديد واداريه

ويجد جمع يشد عنهم حبالي

الوقت فيه  اربع وعشرين تطويه

قسمتها للناس فوق احتمالي

لي جفن عيت هجعت الليل تعديه

يغفى بنومه لا اهتنى كل سالي

عندي اعتذار لكل حر ٍ مخاويه

من كل ربعي بالسنين الخوالي

انا اعترف قصرت والعذر ببديه

كثر العمل والناس ضيق مجالي

أرضي عدد وأزعلت رقمٍ يوازيه

صرت ارضي الف ويزعلون الف غالي

واللي يعاتبني على قصور يعنيه

له اعتذاري جزل وارفع عقا لي

واخر مطافي ياسنين المشاريه

اللي رضى بيعود زعلان تالي

لا مرضي ٍ هذا ولا ذاك مرضيه

أطلع من الجمعين خاسر وخالي

أف ٍ على وقت ٍ سريعه خطاويه

تسحق من الشجعان داني وعالي

مثل الجمل هايج خطامه يباريه

عجزت يميني تقهره مع شمالي

والظاهر ان الوقت مقفي براعيه

ولا ظلمت بو صلي… إلا عيالي

عن binwanies