أناسب العليا

رفت على هام الشعر راياتي

ماشالها الريح التسديد العاتي

اناسب العليا بقافٍ قلته

بنات فكري جمّل بغاياتي

يمشي حماس الشعر والا يوقف

والف مع خطواتي ووقفاتي

لي سافروا  صوب البحر بحاره

اردهم في سفني (ال) مرساتي

واهل المدن لي حلقوا بطياره

اقلعت من يومي ليومٍ آتي

اشربت من صافي النهور اعذبها

والجن تخشى سبكي ومنحاتي

زخرف يراعي بالسطور حروفه

بالوان طيف تشكلت لوحاتي

فـي تبـرها وداناتـها المرصوصـه

تبـرق بعيـن اللـي شــرى نياتـي

يعجب بها راعي النوايا البيضا

واقهر بمعناها صدور اعداتي

مايتفق راي البشر في واحد

كل على مبداه رايه ياتي

ردود فعل ٍ بعض منها مضحك

احقر اهلها واعتلي شيماتي

احد ٍ نسب شعري لشاعر غيري

واحد ٍ نسب شعر العرب لبياتي

وانا معي من خبرتي مايكفي

مد اقلمي ويزيد عن حاجاتي

استورد إمن الهام شعري معنى

لابن ونيس انتاج كعبي ذاتي

واصدّر المعنى الجديد الكايف

عليه مختومه اثر بصماتي

لكن مصيبه كل راعي شهره

يصير مرمى قاصر النظراتي

يقول ثاني والحكي لجمهوره

مابه وسط يامعجب او شماتي

حاسد جهولٍ تقهره قيفاتي

وفاهم يشم الزهر من واحاتي

عن binwanies